افكار لمشاريع ممكن تعملها من البيت

5 افكار لمشاريع ممكن تعملها من البيت واكتر مشروع هتكتبوه في الكومنتات هننزلكم تفاصيل عنه وازاي تعملوه بالتفصيل والصور

1- انك تكتب كتاب او تعمل اي اعمال تصاميم وخلافه وتبيعها اون لاين وممكن تعمل دا من خلال موقع اسمه أسناد ودا تابع لمجموعة حاسوب والموقع دا بتقدر ترفع عليه اي اعمال ليك زي كتاب او تصاميم او صور او مواقع او مقالات او غيرها وتبيعها بالمبلغ اللي يناسبك وبعد ما تكون 10 دولار او اكتر تقدر تسحبهم عن طريق الباي بال

https://asnadstore.com

2- موقع خمسات وهو ايضا تابع لمجموعة حاسوب والموقع دا لو انت بتعرف تعمل اي حاجة ممكن تبيعها بخمسة دولار بتعرف مثلا تترجم مقالة تكتب سي في لناس او تقدم خدمة معينة ممكن بخمسة دولار تبيعها حاجة زي اخر العنقود كدا بس بخمسة دولار وبردو تسحب فلوسك بالباي بال ودا اللينك بتاع الموقع

https://khamsat.com

3- لو انت عندك منتج فعلا وعاوز تبيعة او عاوز تتاجر في شوية منتجات ممكن تعمل بروفايل علي موقع olx وتبدأ تعرض حاجة تبيعها ولما تتباع تعرض حاجة تانية تتباع وهكذا وتبدأ تجارتك من خلال الموقع دا ودا اللينك بتاعه

https://olx.com

4- لو انت بتكتب كويس في موضوع معين وعندك قدرة علي كتابة مقالات معينة تقدر تعمل مدونة علي جوجل هتقولي ازاي؟
هقولك اعمل اكونت علي جوجل عادي خالص وبعدين افتح موقع www.blogger.com
وابدأ في انشاء اول مدونة ليك وبعد ما تكتب كتير عليها والزوار يزيدوا ممكن تربطها بحساب ادسنس وتكسب فلوس.

5- لو انت بقي بتعرف تعمل منتجات يدوية زي خياطة وتطريز او اكسسوارات وحلي او اي من المشغولات اليدوية انت ممكن تعمل صفحة علي الفيس بوك وتنشر فيها منتجاتك وتبدأ تعرضها في جروبات تشتري منك الحاجات دي اما بالنسبة للشحن ففي طرق كتير يبعتولك عليها الفلوس زي فودافون كاش او حوالات وفي نفس الوقت في طرق كتير انت تبعت من خلالها المنتج زي شركة مشاوير وغيرها ... والاسهل بقي انك تتعامل مع www.souq.com او نرجع لـ olx تاني grin emoticon

دي كلها افكار لمشاريع ممكن تبدأها من وانت في البيت قولولنا اكتر فكرة حابينها ايه في كومنت واحنا هنكتب عليها مقالة وهنفسرها بالصور وبالتفاصيل كلها